خه‌ڵكی‌ تێكۆشه‌ر و ئازادیخوازی‌ كوردستان!
     ماوه‌یه‌كه‌ سایته‌كانی‌ ئینترنێتی‌ سه‌ر به‌ فراكسیۆنی‌ عه‌بدوڵڵا موهته‌دی‌ ده‌ستیان داوه‌ته‌ پڕوپاگانده‌یه‌كی‌ نزم و دوور له‌ هه‌ر پره‌نسیپێكی‌ ئه‌خلاقی‌ و سیاسی‌ سه‌باره‌ت به‌وه‌ی‌ گۆیا كه‌سانێك له‌ هاوڕێیانی‌ سه‌ركردایه‌تی‌  ئێمه‌ پوڵیان له‌ ئیتیلاعاتی‌ كۆماری‌ ئیسلامی‌ وه‌رگرتووه‌. . ئه‌و چه‌شنه‌ بوختان و درۆ هه‌ڵبه‌ستنانه‌ به‌ تایبه‌تی‌ له‌ ماڵپه‌ڕی‌ بروسكه‌وه‌، كه‌ له‌ لایه‌ن ئه‌ندامێكی‌ سه‌ركردایه‌تی‌ ئه‌و فراكسیۆنه‌وه‌ به‌رێوه‌ ده‌چێ‌، بڵاو ده‌كرێته‌وه‌. ئێمه‌ تا ئێستا نه‌مانویستوه‌ وه‌ڵامی‌ ئه‌م چه‌شنه‌ درۆیانه‌ كه‌ هه‌ر له‌ ره‌وتێكی‌ ناسیاسی‌ ده‌وه‌شێته‌وه‌، بده‌ینه‌وه‌. له‌وه‌ به‌ولاوه‌ش هه‌ر به‌ پێویستی‌ نازانین جوابه‌جه‌نگێی‌ ئه‌م چه‌شنه‌ قسانه‌ بكه‌ین.